GaraAzkenak - Paperezkoa - English Edition  |  Le Journal |  Dokumentuak
EUS | ES | FR | ENG
 » PAPEREZKOA
  -Aurkibidea
  - EuskalHerria
- Jendartea
- Ekonomia
- Iritzia
- Mundua
- Kultura
- Kirolak
 » AZKENORDUA
 » ENGLISH EDITION
 » DOSIERRAK
 » DOKUMENTUAK
 » IRUDITAN
 » HEMEROTEKA
 » Produktuak
Gara > Idatzia > Euskal Herria 2006-03-23
ALTO EL FUEGO DE ETA
EAJ: «Argitasunez eta konpromisoz bideratu beharreko aukera da»

BILBO

Alderdi ugarik bezalaxe, EAJk ere espresuki antolatu zuen atzo arratsean prentsaurreko bat erakunde armatuaren azken erabakiaren gaineko azterketak publiko egiteko.

Hain zuzen ere, Bilboko Sabin Etxea egoitza jeltzalean EBBko buru Josu Jon Imazek 17.00etarako deitu zituen komunikabideak. Alderdikideak alboan zituen arren, berak bakarrik hartu zuen hitza, eta ondorengo adierazpena irakurri zuen, euskaraz eta gaztelaniaz. Agerraldian komunikabide askotako kazetariak bildu ziren arren, jeltzaleek ez zuten galdera bat bera ere erantzun gero. Horrela dio, hitzez hitz, irakurritako testuak:

«Euzko Alderdi Jeltzalearen Euzkadi Buru Batzarrak itxaropentsutzat jotzen du hilaren 24tik aurrera ETAk iragarri duen ekintza armatuen etenaldi iraunkorra eta uste du iragarpen hau lagungarri izango dela Euskadin den indarkeria behin betiko amaitu dadin.

Euzko Alderdi Jeltzaleak pozarren hartzen du aukera hau, argitasunez, konpromisoz eta guztion laguntzaz bideratu beharreko aukera, hain zuzen ere.

Aldi berean, Euzko Alderdi Jeltzaleak eskatzen du ekintza armatuen etenaldi iraunkorra atzeraezina izatea eta indarkeria zein mehatxu mota guztien desagerpena erakartzea, euskal gizarteak eta bere erakundeek behin eta berriz aldarrikatu izan duten eskakizun demokratikoari erantzunez.

Euzko Alderdi Jeltzaleak uste du, justiziazko bakea lortuko bada behar-beharrezkoa izango dela guztion arteko abiapuntuetan oinarritzea, betiere duintasunez eta askatasunez.

Euzko Alderdi Jeltzaleak azpimarratu nahi du, beraz, politikaren garaia dela, hitzarmen integratzaile batez eta ezeinen babesperik gabe alderdiok elkarrekin mahaian lan egiterik izan dezagun, euskal gizarteak bere etorkizuna erabakitzeko aukera izan dezan, bakez eta askatasunez».


 
Inprimatu
...Albiste gehiago
Iritzia
La hora de la responsabilidad y de los hechos
Euskal Herria
Zapatero:«La legalidad debe dar empuje definitivo al fin de la violencia»
Euskal Herria
Rajoy no aceptará «precio político» y Sanz subraya que «no cabe dialogar»
Euskal Herria
«Tenemos que hacer irreversible el proceso»
Euskal Herria
EA, EB y Aralar destacan que es hora de poner en marcha la mesa de partidos
Euskal Herria
EAJ: «Argitasunez eta konpromisoz bideratu beharreko aukera da»
Euskal Herria
ETA declara un alto el fuego permanente para impulsar un proceso democrático
  CopyrightGara | Kontaktua | Norgara | Publizitatea