Immigrazio lege berriaren aurkako elkarretaratzea Baionan
BAIONA
Bihar Baionako herriko etxearen aitzinean immigrazio lege berriaren aurkako elkarretaratzea egingo dute 16.30ean hasita, eta bertan parte hartzeko deialdiak ugaritu egin dira azken egunotan. Asteartean Cimade elkartearen inguruan antolaturiko kolektiboak biharko protestaldiaren berri eman ondoren, LAB sindikatuak, alderdi Sozialistak, Giza Eskubideen kolektiboak, Abertzaleen Batasunak, Euskal Herriko Berdeek eta LCRk (LKI) elkarretaratzera deitu zuten.Legea bera Gobernu frantsesa eztabaidatzen ari den heinean, Baionako elkarretaratzeak Estatu frantses osoan egun berean izango diren izaera bereko mobilizazioekin bat eginen du. Ekitaldira deitzen duten Lapurdiko, Nafarroa Behereko eta Zuberoako elkarte eta alderdi guztiek CESEDA deituriko lege horrek oinarrizko eskubideak urratzeaz gain, etorkinak diskriminatu egiten dituela nabarmendu zuten.
|
