- Aizkora
Tolosan aurkeztuko dute Euskal Herriko finala
TOLOSA
Igande eguerdian Tolosako zezen-plazan jokatuko den Euskal Herriko Lehen Mailako Txapelketako finala gaur 12.30etik aurrera aurkeztuko dute Tolosako udaletxeko batzar aretoan.Gaur jakitea espero da ea igandean Nazabal finalean izango den edo ez. Dena dela, badirudi, berak behin baino gehiagotan esan baitu, ez dela izango ez Tolosan, ez hilaren azkeneko igandean Lakuntzan, Nafarroako finala jokatzen. Gerritik gaizki dabil, eta ez omen dago aritzeko moduan. Hala ere, oraindik hutsune hori ofizial egiteko dago, eta pentsatzekoa da gaur iragarriko dutela, baita bere ordez inor joango den ere.
Munduko Txapelketa
Azaroan jokatuko da Munduko Aizkolarien Txapelketa. Hasieran batean, maila nagusikoak, gazteak eta beteranoak ziren aritzekoak, baina azkenean ez da beteranoen lehiaketarik izango. Data arazoak direla medio, aurtengoan ez omen da posible izango aizkolari beteranoak lehian ikustea.
|
