Koktelak Getxon kutxazain baten eta Correosen furgonetaren aurka
GETXO.
Astearte gauerdi aldera, ezezagun batzuek kutxazain bati eta Correoseko furgoneta bati eraso zieten Getxon. Gertakaria 23.45 aldera jazo zen. Lehenik, molotov koktela bota zu-ten Correoseko furgoneta baten barnera, ibilgailuaren kristaletako bat hautsita. Lehergailuak eztanda egin ez zuenez, ez zen kalterik izan. Hamar minutu geroago, kutxazain automatiko baten kontra beste molotov koktel bat jaurti zuten. Kutxazai- na belztu bazen ere, ez zen suhiltzaileen beharrik izan. Bestalde, gau horretan bertan, 1.30 aldera, ezezagun talde batek margo gorria eta horia jaurti eta margoketak egin zituen Zumarragako batzokian EAJren aurka. PSEk, PPk, EAk, EBk eta Ara- larrek bi gertakariak gaitzetsi zituzten.
Josu Ordoñez entregatzearen aurka giza katea egin dute Grosen
DONOSTIA.
Donostiako Gros auzoko Josu Ordoñez presoaren egoera salatzeko 45 bizilagun bildu ziren atzo, Groseko kaleetatik barrena egindako giza katean. Estatu frantseseko aginpideek Estatu espainolaren esku utzi zuten Ordoñez astelehenean. Bestalde, 13 lagun bildu ziren atzo Atarrabian presoen eskubideen alde. Asteartean, berriz, 113 lagun bildu ziren Bilboko Arriaga plazan, 48 Arrasaten eta 70 lagun inguru batu ziren Urretxu-Zumarragan Ainhoa Barbarin eta Xabier Zabalo bizilagunei elkartasuna helarazteko; izan ere, Auzitegi Nazionalean epaitu baitituzte.
|
