DONOSTIA

Gorri-berdeek partida txar ugari egin dituzte denboraldi honetan, baina larunbatekoa ezin esan horrela izan zenik, euskaldunek partida itxurosoa jokatu baitzuten, eta markagailuan ere arretik izan ziren, bigarren zatiaren amaieran 3-1 erakusten baitzuen emaitzak. Azkenean, ordea, 3 eta 4 galdu zuten Morzineren aurka.

Lehen zatian etxekoek ez zuten golik egin, baina aukera ugari izan zituzten, eta kanpotarren atezaina izan zen lehen zatiko onena. Hala ere, inork ez zuen lortu markagailua mugitzerik, eta amaieran 0-0 zirela joan ziren atseden hartzera.

Bigarren zatian, euskaldunak berdin atera ziren, baina lehen hogei minututan atearen aurrean zortea izan zuten, eta Lassalek bi minututan bi gol egin zituen. Hala, 2-0 aurreratu ziren euskaldunak. Kanpotarrek emaitza murriztea lortu zuten, baina bigarren atsedena hartzera joan aurretik, Rouselinek 3-1ekoa lortu zuen.

Bazirudien azkenean berriro ere La Barrera joan ziren 700 zaleek etxeko taldea irabazten ikusiko zutela, baina ez zen horrela izan. Bigarren zatian beldurrez kantxaratu ziren. Kanpotarrek hiru gol sartu eta markagailuari buelta eman zioten, eta garaipena eskuratu zuten.

Txuri Urdinek, irabazi

Donostiarrak, ordea, lasaitu egin ziren, eta beren jokoa egiten hasi ere bai. Horrekin batera golak ere heldu ziren bigarren zatian. 4-2 izan zen bigarren zati horretako partziala.

Hirugarren eta azkeneko zatian, Txuri Urdinek partida kontrolpean ukan zuen, eta beste gol bat ere egin zuen. Horrela, beraz, garaiena segurtatuta utzi zuen.