- European Challenge
Avironen ahaleginak ez du saririk izan
AVIRON 15
NEWPORT DRAGONS 29
BAIONA
Avironek ezin izan du garaipen batekin agurtu Europako lehiaketa, atzo Newport Dragons Galesko taldearen aurka galdu baitzuen. Zuri-urdinak sailkatzeko inongo aukerarik gabe heldu ziren jardunaldi honetara, eta entrenatzaileak datorren ostiralean jokatuko duten Liga partidarako probak egiteko erabili zuen atzoko norgehiagoka. Partida ez zen kaskarra izan.Kanpotarrek asko zuten jokoan, eta hori nabaritu zen. Garaipena lortzeaz gainera, puntu gehigarria ere bereganatu zuten, eta hurrengo fasean izango dira galestarrak.Aviron partida txukun bat egiten ahalegindu zen, eta ahal zuen neurrian ez zen gaizki aritu. Agian atzo ostikoekin ez ziren jokalariak fin aritu, eta amaieran markagailuan ezin izan zituzten puntu gehiago lortu.Beste entseguren bat ere egiteko aukera izan zuten, baina hortxe geratu zen. Orain Liga bakarrik izango du Avironek buruan.
|
