Pro Tourreko sei taldek (Euskaltel, Caisse D'Epargne, Lampre, Liquigas, Saunier Duval eta Unibet.com), hamar Profesionalek eta Kontinental batek hartuko dute parte ekainaren 8an, 9an eta 10ean jokatuko den Euskal Bizikletan. Eibarren hasiko da itzulia. Lehenengo etapa Tolosan bukatuko dute. Bigarren etapak bi saio izango ditu Abadiñon, arratsaldekoa erlojuz kontrakoa. Eta Arrateko igoerarekin amaituko da itzulia.