Patrick Ozafrain eta Paxkal Ezkurra, egungo bi pilotaririk onenetakoak, aurrez aurre direla abiatuko da gaur eguerdian, Baionako Moderne trinketean, aurtengo Binakako Txapelketa. 11.00etatik aurrera, Ibarrola izango du lagun Bankako atzelariak, eta Sorhuet, berriz, Urruñakoak. Ligaxka moduan jokatuko da lehen fasea; bi bikoentzat oso garrantzitsua izango da lehen puntua eskuratzea; lortuz gero, finalerdietan izateko aurrerapauso handia emango bailukete.