Etxarri Aranatzeko Karrikestu elkarteak BAT izeneko ekimen berria antolatu du, Euskal Herriko Bertso Afari Txapelketa. Ipar Euskal Herriko, Bizkaiko, Gipuzkoako eta Arabako bertsolari bana eta Nafarroako bi izango dira -Odei Barroso, Eneko Lazkoz, Aitzol Barandiaran, Jone Uria, Jon Elizetxe eta Iñaki Viñaspre- bapo afaldu eta giro onean egingo den txapelketa honetan. Arabako bertsozaleek, bestalde, igandean Kuadrilla arteko Bertso Txapelketaren bigarren finalerdian dute hitzordua. Aurrez aurre Kakiturri-Ehari (Gasteiz) eta Aiaraldea (goiko argazkian). Aurreko asteburuan Zigoitian bezalaxe, aretoa bete nahi dute.