Euskadi Irratiak 30. urteurrena ospatuko du gaur Donostiako San Telmo museoan. Ospakizun horretan hiru sari banatuko dituzte. Lehena, Gertu saria, entzule leialenek jasoko dutena. Bigarrena, Irratia saria, 30 urteotako irratsaio nabarmenenari eskainia. Eta hirugarrena, Fideltasun saria, iragarkiak betidanik jarri dituztenei banatuko dietena. Horrez gain, Alos Quartet taldeak emanaldia eskainiko du. Arratsaldeko zazpietan emango diote hasiera ekitaldiari.