GARA > Idatzia > Kultura

Capsulak LPan kaleratu du «The Rise and Fall of Ziggy Stardust and the Spiders from Mars»

GARA | BILBO

Argentinan sortu baina Bilbon finkaturiko taldeak David Bowie eragin nagusien artean aipatu du betidanik -hain zuzen, kantari ingelesaren «Space Oddity» kantutik hartuta dago taldearen izena-. Eragin hori nabarmenagoa zen Capsularen lehen diskoetan, baina hala ere «The Rise and Fall of Ziggy Stardust and the Spiders from Mars» diskoa bereziki maite du taldeak, «gehien amestu dugun diskoa baita».

Disko honetako kantuek Capsularen berezko soinuarekin eta The Stooges eta The Velvet Undergrounden dosi txikiak gehituta zer itxura hartuko zuten ikusteko jakin-minak bultzatu zuen hirukotea Bowieren diskoa aukeratzera. Gainera, abestiek egiten duten gizartearen deskribapenak, gainbeheran eta hondamendiaren atarian dagoen gizarte batenak, gaurkotasun handikoa izaten jarraitzen duela uste dute taldekideek. Bowieren kantuen berrinterpretazioa, moldaketa berriak gehituta, disko batean jasotzea erabaki zuen taldeak. Omenezko disko bat egitea baino gehiago, kantu bakoitzean murgildu eta rock&rollaren historiako klasiko batean zehar bidaiatzea zen asmoa.

Zeregin horretan laguntzeko pertsona egokia ezagutzen zuten: John Agnello ekoizle eta soinu teknikaria (Alice Cooper, Bob Dylan, Sonic Youth). Eta hala, New Yorkera joan ziren berarekin egiteko lan hau.

Imprimatu 
Gehitu artikuloa: Delicious Zabaldu
Igo