Iurretako Odi Bakar enpresako langileek greba mugagabea hasi zuten astelehenean «mehatxuen» eta kaleratzeen kontra. Sindikatuek ohar baten bidez jakinarazi dutenez, 2010eko maiatzaz geroztik «kateaturiko suspentsio lan espedienteak» ezarri ditu enpresak.

Azken espedientea abenduan amaitzen zen eta enpresak «neurri gogorragoak» hartuko dituela baieztatu zuen. Hori dela eta, protestei ekin diete.