Jose Antonio Azpiazuk «La historia desconocida del lino vasco» azken liburuaren inguruko hitzaldia emango du kultur etxean, Burdinola elkarteak antolatuta. Azpiazu historialari eta antropologo legazpiarra da, eta aspaldian Oñatin bizi da. Aro Modernoko lehenengo mendeetako historiaz eta bizimoduez aritzen da argitalpenetan. Gutxi ezagutzen diren iraganeko kontuak publiko zabalari helarazten saiatzen da, zientifikotasuna alboratu gabe. Aldizkari espezializatuetan 50 bat artikulu argitaratu ditu, eta hainbat monografiatan ere parte hartu du. Gainera, beste hainbat libururen egilea da. Besteren artean, «Sociedad y vida social vasca en el siglo XVI», «Mercaderes guipuzcoanos» edo «Mujeres vascas, sumision y poder» liburuak idatzi ditu.