«Gazte indarraz independentziarantz!» lelopean Gazte Eguna ospatuko da larunbatean Sakanan, arratsaldeko 19.30etako ekitaldiarekin hasi eta dantzaldi ederrarekin bukatuko dena. Arbizuko Pilotalekuan eta 21.30etatik aurrera Etxarriko Hezian, Leihotikan boskote nafarra, iaz «Ilunago, ederrago» plazaratu zuena Gor zigiluarekin, Banda Bassotti italiar ska talde ezaguna, otsailean Argentina eta Venezuela aldean aritu dena, eta Obrint Pas valentziarrak, Kataluniako herrien ordezkariak, apirilean Europan barna joango direnak. Eta bukatzeko, gaupasa Tximeleta taldearekin, 21.30ean (12/15 euro).