Itziar Zamora eta Bakartxo Maritxalar azken urteotan zenbait aldiz elkarrekin kantatutakoak dira, eta berriro elkartuko dira Larrotxenen «Etxekoekin kantari» saioan. Itziar Zamora Donostian bizi da baina lekeitiarra da, musika-pedagogian sartuta dago, eta Intxaurrondoko kantu-taldeko gidatzailea dugu. Bakartxo Maritxalar donostiarra da; bakarlaria eta Oskarbi eta Zurrumurru taldeetan aritu da kantari. Abeslariek jendearentzat kantatuko dute lehenengo, eta jendearekin, gero. Abestien hitzak banatuko dituzte.