Hezkuntza sisteman gaudenok etengabeko erreformak jasan beharko ditugu, betiere goitik inposatuak. Egun, Euskal Curriculumaren zirriborroan Heziketa Fisikoa irakasgaiaren %40ko murrizketa aurreikusten da Lehen Hezkuntzan eta Derrigorrezko Bigarren Hezkuntzan. Horregatik, Heziketa Fisikoko profesionalek, baita irakasgai honekin zerikusia dutenek ere, zera adierazi nahi dugu: Euskal Curriculumaren zirriborroa dela-eta, Lehen Hezkuntzan zein DBHn irakasgai honen ordutegia murriztea erabat gaitzesten dugu. Horrela nola garatu nahi dira ikasleen arlo biologikoa, harremanetakoa, kognitiboa edo afektiboa? Hori dela-eta, bidegabekeriatzat jotzen dugu egindako proposamena, bertan behera uztea eskatzen dugu eta orain arteko ordutegiari eustea exijitzen dugu.