ZIKLOKROSA
Oscar Vazquezek, geldiezinak, Unai Yus menderatu zuen berriro ere
![p052_f02_046x060.jpg p052_f02_046x060.jpg](/Repository/Imagenes/Pub_3/Issue_1156/p052_f02_046x060.jpg)
GARA | CAMBRE
Unai Yusen amets gaiztoen protagonista izango da, ziur aski, Oscar Vazquez. Galiziakoak, berriro ere, garaipena lortu zuen atzo Espaniako Kopako proban, Aidazuko txirrindulariaren aurretik eta bere lidergoa sendotu.
Espero zen bezala, biak izan ziren Cambren lehiatutako lasterketaren protagonista nagusiak. Lehen itzulietan jo zuten erasoak ez zuen erantzunik izan eta, arazo barik abantaila galanta lortu zutela, garaipena bien arteko kontua bilakatu zen.
Baina azken itzulian Vazquezek, aurten geldiezina dela, aurrera egin zuen, bakar-bakarrik. Yus bi segundu beranduago iritsi zen helmugara.
Gaur Espaniako Kopako laugarren proba egingo dute Navian. Aurkari gehiago egongo dira han, Javier Ruiz de Larrinagak eta Isaac Suarezek ere partehartuko baitute.
Nysen garaipena
Sven Nysek, bestetik, Munduko Kopako laugarren lasterketa irabazi zuen atzo Koksijden (Flandes).