Handitan zer izan nahi duzu? Galdera honen inguruan sortu du Glu Glu produkzioak lan hau. Bernardok astronauta izan nahi du, baita suhiltzailea edota medikua ere. Maitanek, berriz, ipuin kontalaria. Eta Katixa gajoa, handitan zer izango den aukeratu ezinik dabil; badaki baina ahaztu egin omen zaio. Bertsoek, musikak, abestiek eta ipuinek beren txokoa dute hiru kideren arteko jolasek osatzen duten Glu Glu produkzioaren antzezlan honetan.