Asko eta askotarikoak dira Gernikako eta eskualdeko gazteon kultur adierazpideak: musika, antzerkia, ikus-entzunezkoak, literatura, bertsolaritza, dantza... Begi bistakoa den oparotasun horrek, ordea, gutxitan aurkitzen ditu bidegurutzeak, edo bat egiteko elkarguneak. Gazteszenak, Gernikako eta eskualdeko sormen-lana taula gainean jarriko du. Hala, ordu biko emanaldian hainbat izango dira Lizeoko oholtza gainean ikusi ahal izango direnak.