Gipuzkoa, Araba eta Bizkaiko Liburutegien Aholku Batzordea sortzen eta arautzen duen dekretua onartu zuen atzo Lakuako Gobernu Batzordeak. Dekretu horrek, EAEko Liburutegien Legeak eratu zuen Liburutegien Aholku Batzordea onartzen du eta haren sorrera ahalbidetzen, zereginak eta osaketa zehaztuz. Batzorde hori 13 lagunek eta idazkari batek osatuko dute eta presidentetza Kulturako sailburuordeak hartuko du.

Hortzmuga Teatroak «Metro beteko ametsak» haurrei zuzendutako antzezlana eskainiko du ostiraletik astelehenera Euskalduna jauregian. Julen Gabiriaren «Metro bateko letrak» liburuan oinarritutako lanaren protagonista Nadia da, Errumaniatik iritsi berri den neskatoa, eta bere ametsak betetzen saiatuko da bizitzan aurrera egiteko.