Euskal Herriko Gazte Orkestrak (EGO) bihar amaituko du neguko bira, Donostiako Kursaalen hain zuzen. Horren aurretik, ordea, gaur arratsaldean Bilboko Euskalduna Jauregian egingo du emanaldia. Orkestraren kontzertuaz gain, Fernando Velazquez-en «Gabon dut anuntzio» lanak osatuko du ikuskizuna, zeinean Leioako Kantikak protagonismo handia duen. EGOko arduradunek nabarmendu zutenaren arabera, eduki propioak izan dira ikuskizun hauen abiapuntu eta oinarri.