Baliteke Haile Gebrselassie, maratoian munduko errekorraren jabea, Berlingo Munduko Atletismo Txapelketan ez aritzea. «Ez dut uste joango naizenik», azaldu zuen korrikalari etiopiarrak Dubaiko maratoia irabazi ondoren. Kontua xelebrea izan daiteke, «Gebre»k Berlinen ondu baitzuen joan den irailean maratoiko bere munduko marka. Proba abuztuan izatea izan liteke eragozpen bat, baina Sammy Wanjiru olinpiar txapeldunaren aurka ez lehiatzeko nahia ere bai.