Mikel Emaldi marinelaren «Bizkaia Maitena» belaontziak irabazi zuen AB klasean Neguko Sariaren lehen proba. Irabazleak beste faborito nagusietako bat atzean uztea lortu zuen, Javier Onaindiak gidatutako «Symphony», lehiaketa honetako egungo txapelduna. C klaseko ontziek ez zuten lortu lasterketa antolatzaileek jarritako gutxieneko denboran amaitzea, haizeak ez zuelako batere lagundu. J-80 klasean, azkenik, Miguel Arriolaren «Viajes Iberia» izan zen azkarrena.