Gasteizko IKAk antolatuta, Amets Arzallus eta Txomin Txuekak «Illimani: Boliviako izpiak eta hizkiak» izeneko ikuskizuna eskainiko dute gaur, 10.00etan eta 18.00etan, Beñat Etxepare antzokian. Arzallus eta Txuekak hogei egun pasa zituzten Bolivian eta besteak beste, Felipe Quispe gerrilla burua ezagutzeko aukera izan zuten, La Pazeko kartzelarik handienaren barruan eman zuten goiz bat eta Evo Moralesek atea zabaldu zien. Bizipen horiek liburu batean bildu zituzten eta orain ikus-entzunezko hitzaldi bat prestatu dute.