Datu madarikatu batek dio Bilbao Basket ACB Ligan dagoenetik, Joventutek beti lortu duela garaipena Bilbon. Horren aurka, Txus Vidorretak errezeta egokia eman du astean zehar: «Defentsa eta pentsamolde egokia». Lan horretan zeresan handia izango dute Moisok, Mumbruk eta Paco Vazquezek. Hirurak ere talde kataluniarrean izanak dira. Baina gaur oroitzapenak alboratu eta garaipena Bilbon geratzea izango dute helburu.