Ikuskizuna ziurtatu dago Donibane Lohizuneko Campos Berri pilotalekuan 22.30etik aurrera jokatuko den IV. Challengeko finalean. Bertan arituko dira, 25 tantorako kiniela batean, Alberdi-Mugartegi, Beaskoetxea-Garai, Aimar-Irastorza eta Goikoetxea-Arriola bikoteak.

Alberdirentzat udako lehen finala da eta bat zenbakia eramango du Mugar- tegirekin batera. Bi zenbakiarekin Beaskoetxeak eta Garaik jokatuko dute. Aurrelari gernikarrak koadroko erreferenteetako bat dela erakutsi du. Bere alboan eskuinez ondo dabilen Garai arituko da ekainean Filipinetan jokatutako Bizkaia Masterseko torneoa eskuratu ostean. Hiru zenbakia Aimar puntista ausartak eta eskuin ikaragarria duen Irastorzak eramango dute.

Azkenik, lau zenbakiarekin, Goikoetxea buruz buruko finalista eta bere palmaresa estreinatu nahiko duen Arriola arituko dira.