Urtarrileko azterketen ondoren, 24 ekitaldi programatu ditu UPV/EHUk Gasteizko kanpusean Kultur Campus ekimenaren baitan. Ekitaldiak otsailetik maiatza bitartean ospatuko dira eta zinema, antzerkia eta musika inguruan izango dira. Musika arloan pop eta rock soinuak izango dira nagusi bertako eta nazioarteko taldeen kontzertuetan. Antzerkian umorearen papera nagusia izango da eta zineman Afrikara hurbilduko da ikuslea eta bertsio originaleko filmak ere ikusiko dira.