Final-laurdenak jokatzeko aukerak bere horretan jarraitzen du Baionan, atzo Stade Français astindu ostean. Geratzen den jardunaldian zuri-urdinek irabazi egin behar dute, eta beste emaitzen zain geratu. Atzo sekulako norgehiagoka egin zuten, batez ere bigarren zatian. Gainera puntu gehigarria ere lortu zuten, eta oso indartsu amaitu zuten etxeko jarduna.

Lehen zatian nagusi izan zen Aviron, baina bigarrengoa sekulakoa izan zen, aurtengo partidarik onenetakoa eskaini baitzieten Jean Dauguer zelaia bete zuten zaleei.