Lekeitioko Udalak, Parte-hartze Batzordearen bidez, ate irekien astea prestatu du datorren martxoaren 19tik 25era bitartean. Egitasmoaren barruan, hiru ekintza mota egongo dituzte. Batetik, Udalak kudeatzen dituen baliabide edo azpiegitura batzuetara bisita gidatuak.

Bestetik, parte-hartzearen inguruko tailerra, martxoaren 24an egingo dena, goizeko 10.30ean, Gaztegunean.

Azkenik, martxoaren 27an, 19.00etan Kultur Etxean, udal aurrekontuen inguruko lehenengo herri batzarra egingo da.