Magorik entzutetsuenek erakustaldiak egingo dituzte Elgetako Espaloia antzokian maiatzaren 4tik 6ra. Aurkezpenean esan zutenez, aurten lehen aldiz larunbat arratsaldean ere magia kalera aterako dute. Gipuzkoan, erreferente da Magia Mostra hau. Zortzigarrenez antolatu dute eta 1.100 biztanleko herrian beste horrenbeste ikusle erakartzen ditu. MagoMigue (Granada), P-Cubique (Estatu frantsesa) eta Silvana magoa (Argentina) etorriko dira, besteak beste.