Euskal Herriko Hirugarren Mailako Txapelketak hiru saio edo kanporaketa izango ditu, eta bakoitzetik lehenengo biek lortuko dute finalean aritu ahal izateko txartela.

Hasiera bihar emango zaio Beintza-Labaienen 18.30ean. Bertan, Llanos, Kortxero, Irazabal, Agirre, Alkizalete II.a, Beltza, Kañamares III.a, Bergara, Etxeberria eta Kastro lehiatuko dira. Patxi Mindegia ere aritzekoa zen, baina osasun arazoak dituela-eta, ez du parte hartzerik izango. Aizkolari bakoitzak bost kana-erdiko ebaki beharko ditu.

Kañamares III.a, Kastro eta Beltza dira, adituen ustez, finalera sailkatzeko faboritoak. Kanporaketako berrikuntza Bergara izango da, ofizialki lehen aldiz arituko baita lehiaketa batean.