Trapu Zaharrak euskal taldeak inauguratu zuen atzo Libourneko (Estatu frantsesa) Fets Arts jaialdia, Etxepare Euskal Institutuak jakinarazi zuenez. Hamabi emanaldi eskainiko dituzte Libournera gonbidatutako euskal taldeek, bost ikuskizun ezberdin aurkeztuz. Aizpea Goenaga Etxepare Euskal Institutuko zuzendariaren esanetan, «mundu osoko 38 konpainietatik, lau euskaldunak izatea lortu izanak, oihartzun handia izango du nazioarte mailan».