Duela bederatzi urte Kolonbiako ELN Nazioa Askatzeko Armadak 74 egunez bahitua izan zuen Asier Huegun donostiarra, eta haren testigantza biltzen duen liburua kaleratu du Txalapartak, Gari Udabek idatzita: «Kolonbian bahituta, 74 egun ELNren esku». Liburua aurkeztuz, Asier Huegun Bergarako Gaztetxean izango da ostiral honetan, 18.00etatik aurrera. Huegunek, gainerako bahituek ere halaxe egiten zutela ikusita, idazteari ekin zion; «inolako pretentsiorik gabe, niretzako testigantza geratu zedin», esan zuenez. «Denbora-pasa gisa hasi ginen egunerokoa idazten, ez genekien-eta idatzitakoa handik ateratzeko aukera izango genuenik».