Zerealen prezioen igoerak hazkuntzan dituen ondorioez laborariekin eztabaidatzeko solasaldiak antolatu zituen ELBk joan den asteazkenean. Izan ardi esnean, behi esnean, behi edo zerri haragian edota gainerako arloetan, laborari guztiak zerealen eta bazken prezioen goratzeekin azkarki arranguratuak direla azpimarratu zuen sindikatuak, Ipar Euskal Herriko etxalde anitz arriskuan direla azpimarratuz.

«Egoerak gaurko politiken mugak agerian jartzen ditu, baita norabidez aldatzeko beharra ere», esan zuten ELBko kideek.