Bere klitoriari idatzitako gutun batekin eskuratu du Iratxe Esnaola donostiarrak Bergarako Amodiozko Gutunen XXI. edizioko lehenengo saria. Guztira 70 gutun jaso dituzte aurten. Bigarren saria Iñigo Legorburuk errenteriarrak eskuratu du, alaba gaixo duen ama batek Porrotxi idatzitakoarekin. Bergarar onena Elene Etxaniz izan da, liburutegian bi pertsonen arteko gutunarekin. 26 urtetik beherakoentzako saria, berriz, Ioana Alijostes tolosarrarentzat izan da, inoiz porturatuko ez den itsasgizonaren zain egoteaz mintzatzen den gutunarekin.