EH Sukarra eta Izaki Gardenak taldeek Donostiako Victoria Eugenia antzokian igandean eskaini behar zuten kontzertua bertan behera gelditu da. Kontzertu hau denboraldiko deigarriena zen, normalean antzoki batean jotzen ez duten taldeak direlako. Berri Txarrak talde nafarrak antzokitik pasa ostean utzi zuen sentsazio ona ezin izango dute errepikatu etzi izatekoa zen kontzertu bikoitzean, baina Donostia Kulturak iragarri duenez, emanaldia udazkenera pasatuko dute.