Abuztuaren 4an Sohütan (Mauletik 3 kilometrora) antzeztuko den pastorala ikusteko autobusak antolatuko ditu Donostiako Alde Zaharreko Herria Elkarteak. Uztailaren 25era arte izango da izena emateko aukera eta erreserba egiteko argibideak herriakultur@gmail.com helbidean eskatu daitezke. Autobus bidaiaren prezioa 10 eurokoa da eta emanaldiaren txartelarena 16 eurokoa; Sohütan bertan bazkaldu nahi izanez gero, 15 euro gehiago ordaindu beharko dira.