Aitzol Aramaio zinemagile zenaren omenez sortutako jaialdiak mota anitzetako diziplinak batuko ditu gaurtik aurrera Ondarroan. Hasiera ekitaldia 19.30ean izango da Manuel Elu eta Kresala musika bandaren kalejirarekin eta 20.00etan, Kofradia Zaharrean, «Sormena 10 minututan» ikuskizuna izango da (partaideen artean, Nagore Aranburu eta Unai Iturriaga). 22.30ean, Bide Onera zineman, Muchachito y los compadres taldearen kontzertua izango da.