BILBO
«AHTrik ez!» plataformako kideek Sustapen Ministerioak Elorrion, Abadiñon eta Atxondon hasi duen desjabetze prozesuaren aurkako protestak egin dituzte egun hauetan.Estatu espainoleko Sustapen Ministerioko ordezkari batzuk egon ziren atzo Elorrion egoera eztabaidatzeko, eta, azkenenan, akordio batera heltzea lortu zuten.
Elorrioko Udaleko kideek desjabetze prozesuarekin bat ez zetozela adierazi zuten, eta «AHTrik ez!» taldeak, bere aldetik, kazerolada egin zuen udaletxearen aurrean desjabetzearen gainean protestatzeko.
Horrela, prozesu guztia bi hilabeterako atzeratzea lortu zuten Elorrion, Abadiñon eta Atxondon.
Plataformako kide batek adierazi zuenez, hurrengo pausoa kaltetuek elkarte bat sortzea da. Horri buruz hitz egiteko, Abadiñoko kultur elkartean bilduko dira hurrengo larunbat goizean.
