- CFA
Genetsek gehiago merezi izan zuen Tolosaren zelaian
TOLOSA B 0
GENETS 0 Genets: Gruel, Dors, Lafitte (Cochet), Salaberri, Dubroca, Ricaud, Coutant, Jupiter, Trentin, Lalane eta Barsacq (Tachoires). Epailea: Preingel. Gorabeherak: 5.000 ikusle neurketa zuzenean jarraitzen.
ANGELU
Genetsek berdinean amaitu zuen Tolosako bigarren taldearekin, eta jaitsierako postuetan jarraituko du. Herenegun arratsaldean, ordea, gehiago merezi izan zuten lapurtarrek, irabazteko adina aukera egin baitzituzten, baina ez zuten garaipenik lortu, eta jaitsierako postuetan jarraitu beharko dute oraindik.Lehen Mailako Tolosa eta Monakoren arteko partidaren aurretik jokatu zuten, 5.000 ikusleren aurrean, baina hori-berdeak ez ziren kikildu, eta zelaian nagusi izan ziren. Etxekoek ere erakutsi nahi zuten duten maila, eta aukerak izan zituzten, baina Gruel atezainak ongi ezabatu zituen etxekoen erasoak. Partida erabat aldatu zezaken jokaldia neurketa amaitzeko zazpi minutu falta zirenean heldu zen. Ricaudek legezko gola lortu zuen angeluarrentzat, baina epaileak baliorik gabe utzi zuen ustezko jokoz kanpo bategatik, nahiz eta berak bakarrik ikusi zuen. Bi minutu aurretik, Barsacqek falta baten jaurtiketa zutoinean jo zuen.
|
