Ibarretxeren «inposaketa jarrera» salatu du AHT Gelditu! Elkarlanak
AHT Gelditu! Elkarlanak hitza hartu nahi zuen proiektuaren gaineko informazio kanala aurkezteko Ibarretxe egiten ari zen ekitaldian. Beste behin, lanak geldiarazteko eta parte hartzeko prozesua abian jartzeko eskatu nahi zioten horrela. Baina ez zuten horretarako aukerarik izan, eraikinetik kanporatu baitzituzten. Bertan hirurehun lagun batu ziren protestan.
BILBO
«Eusko Jaurlaritza, manipulatzailea» leloarekin hartu zuten Juan Jose Ibarretxe Bilboko Euskalduna Jauregira iritsi zenean. Bertan, proiektuaren gaineko informazio kanala aurkeztu zuen lehendakariak atzo. Ekitaldia salatzeko AHT Gelditu! Elkarlanak elkarretaratzera deitua zuen, eta hirurehun lagunek lehendakariaren AHTrekiko «jarrera antidemokratikoa eta inposatzailea» kritikatu zuten. Mobilizazioak isilarazten saiatzeko «makinaria propagandistiko eta mediatiko» guztiak martxan jartzen ari dela adierazi zuten.Bien bitartean, AHT Gelditu! Elkarlaneko hainbat lagun Euskalduna Jauregira sartu ziren eta ekitaldia hasi eta Lakuako Herri lan eta Garraio sailburuak, Nuria Lopez de Gereñuk, hitza hartu zuenean lau lagun altxatu ziren eta «Inposaketarik ez» oihukatu zuten. Berehalakoan kanporatu zituzten. Ibarretxek hitza hartu zuenean, berriz, beste hainbat lagun zutitu ziren lehendakariari zuzentzeko asmoz. «Segituan etorri ziren zinpeko beriraleak, eta arrastaka kanporatu gintuzten», salatu zuen Itsasondoko zinegotzi Danel Etxeberriak. Haren esanetan, helburu bakarra lehendakariari zuzentzea eta proiektua geldiarazteko eta parte-hartzean oinarritutako prozesu bat abiarazteko eskatzea zen. Behin kanpoan adierazi zuenez, Lakua entzungor egiten ari zaie AHTk kaltetutako herri eta herritarrek informazio gardena eskaini eta beharrezko eztabaida sozialari bide eman dakion behin eta berriz egiten ari diren eskaerei. «AHTk kaltetutako herri eta herritarrek AHT berehala gelditzea exijitzen dugu, egitasmoa batere informazio gabe, herritarren bizkar eta azpikeriaz egiten ari delako, eraikuntza lanei hasiera emateko moduak erakusten duen moduan», adierazi zuen. Era berean, Etxeberriak, zera esan zion lehendakariari: «Ibarretxe jauna, AHTk kaltetutako herri eta herritarrei ez zaigu gure iritzia eman ahal izateko inolako aukerarik eman, nahiz eta, alde horretatik, kontaezinezko eskaerak egin ditugun». Hori dela-eta, herritarren iritzi jasotze aldera egin dituzten eta egingo dituzten herri galdeketak gogorarazi zituen Etxeberriak, eta bereziki aipatu zuen igandean Itsasondon egingo dena. «Ibarretxe jauna, baldintza hauetan ez da zilegi AHTren inguruko ustezko informazio kanal baten bidez proiektuaren izaera antidemokratikoa eta zuk ordezkatzen duzun Gobernuaren prepotentzia ezkutatzen saiatzea», azaldu zuen, eta zera gehitu zuen: «Ez da zilegi demagogia eta egintza kontsumatuen politikarekin aurrera egitea».
PSE interpela a Ibarretxe «sobre la actidud mostrada por EB»
GARA
GASTEIZ El Grupo Socialistas Vascos ha presentado una iniciativa ante el Parlamento de Gasteiz en la que pregunta al lehendakari, Juan José Ibarretxe, «qué piensa hacer para garantizar la cohesión de su Gobierno» en relación con el tren de alta velocidad, así como «qué opinión le merecen las actitudes mostradas por Ezker Batua» en relación con el desarrollo de este proyecto. En la iniciativa, los representantes del PSE recuerdan que «conforme van avanzando los trabajos para ir poniendo en marcha la “Y vasca”, resurgen las acciones de protesta de plataformas que se han manifestado contrarias al desarrollo de esta importante obra de infraestructuras». Asimismo, destacan los miembros del PSE que esas acciones de protesta se ven acompañadas, «también de manera regular, por la adhesión de representantes destacados de un partido, Ezker Batua, que forma parte del actual Gobierno». «Hemos tenido oportunidad de comprobarlo, una vez más, estos días pasados, con la participación de Ezker Batua en la manifestación que la plataforma AHT Gelditu convocó en Gasteiz el pasado día 18 de noviembre, donde se vertieron críticas hacia ‘la hipocresía y actitud antidemocrática’ de los Gobiernos vasco y central», destaca el PSE.
|
