TITIN III - LASA III 22
OLAIZOLA I - BELOKI 18

Pilotakadak: 836. Iraupena: 90 minutu. Markagailua: 2-0, 2-2, 3-2, 3-3, 3-5, 5-5, 7-5, 7-7, 8-7, 8-8, 9-8, 9-9, 11-9, 11-10, 13-10, 13-11, 17-11, 17-12, 17-15, 18-15, 18-18, 20-18 y 22-20. Sakez: 4 Titinek. Egindakoak: 7 Titinek, 1 Lasak, 6 Olaizolak eta 3 Belokik. Galdutakoak: 7 Titinek, 4 Lasak, 7 Olaizolak eta 3 Belokik. Gertaerak: Mirandako Anduva pilotalekua leporaino beteta.

A.A.

DONOSTIA

Titinek eta Lasak ligaxkako hirugarren puntua eskuratu zuten denetik izan zuen ostiral gaueko partidan. Asier Olaizolak hasiera bikaina eman zion partidari ­bi hormabiko eder egin zituen lehen tanto horietan­, baina azken txanpako bi akatsak larriegiak izan ziren garaipena eskuratzeko. Titinek, berriz, bikian zaintiratu bat izan zuen 3-4koan. Triciokoak jokatzen jarraitu eta tanto mordoxka egin zituen azkenerako. Gainera, bi atzelariek sekulako erakustaldia eman zuten. Belokik gehiago atzeratu zuen pilota, baina txalo gehien Lasak jaso zituen, defentsa lanean harrigarri ibili eta gero, aurrean dejadaz amaitu baitzuen tanto ikusgarri bat. Bikaina.