Gurasoen atxikimendua Hezkuntza Deialdiari
IRUŃEA
Euskal Herri osoko hainbat guraso elkarteetako ordezkarik gaur egungo hezkuntza ereduaren gaineko «eztabaida integrala» eskatzen duen Hezkuntza Deialdiari atxikimendu osoa eman diote. Horien esanetan, Euskal Herriko unibertsitate ereduak ez ditu betetzen bete beharko lituzkeen bi funtzioak: «Bata, indibiduala, norbanakoen goi mailako formazioari eta garapenari dagokiena, eta bestea, kolektiboa, eta herriaren eta kolektibitatearen garapen sozial, kultural eta zientifikoari lotuta dago». Horiek bete daitezen, hezkuntza ereduaren gaineko eztabaida integrala egiteko eskatzen dute, «Euskal Herriaren eta euskal herritarren beharrak, premiak, nahiak eta eskubideak ardatz izango dituen eztabaida integrala». Harreman hori egon dadin, ordea, «baldintzak sortzeko» eskatzen diete «instituzio akademiko, administratibo eta herri ekimenekoei».
«Inposaketarik ez!»
Modu horretan adierazi zuten unibertsitateko bigarren aldaketa multzoa erabat gaitzesten dutela. Euskal Herriak behar duen unibertsitateranzko aldaketa da lehenengoa, eta bigarrena inposatutakoa da, Bolognako prozesuari dagokiona. «Modu inposatuan ari dira ezartzen EuskalHerrian, goi mailako hezkuntzaren eta hezkuntza ertainaren artean gertatu beharreko uztarketa lana alboratuta», salatu zuten guraso elkarteetako ordezkariek.
|
