- Idi-probak
Txausonen uztarriak irabazi du Aizarnazabalen
DONOSTIA
Txausonen uztarriak eraman ditu Aizarnazabalen amaitu berri dituzten idi probetako mantak. Arabarraren idiek Lopene aurretik eta Iketza atzetik izan zituzten.Txausonen idiek lan oso ona egin zuten, eta zalantzarik gabeko garaipena eskuratu zuten; sei plazako aldea kendu zien bigarren sailkatuakoari. Bigarren posturako, ordea, lehia handia izan zen, eta
berdinduta amaitu zuten Frantxillaren eta Epiolaren uztarriek. Epiolaren idiek
izan zuten hori apurtzeko astia, baina ez zuten egin, eta azkenean hirugarren
amaitu zuten. Izan ere, berdinketa bat dagoenean, aurretik lanean aritutakoak
amaitzen du sailkapenean aurretik, atzetik ari denak abantaila izaten
baitu.
|
