Herri jaien aldeko kalejira egingo dute gaur Donostian
DONOSTIA
Arratsaldeko sei eta erdietan irtengo da gaur, Bulebarretik, herri jaien aldeko kalejira Donostian. «Herriak herriarentzat eginak, baita Donostian ere!» lelopean, hiriburuko hainbat eragilek herri jaiak behar direla adieraziko dute hiriko kaleetan barrena. Kalejira horren antolatzaileek esan zutenez, partaidetzak egiten ditu jaiak, kolektibotasunak elikatzen duen identifikazioa errotuta.Era berean, Animalien Eskubideen aldeko Elkarteak eta Zezenen Adiskideak eragileak bat egingo dute kalejirarekin, eta zezenketen aurka urtero egiten duten manifestazioa elkarrekin egingo dute. Horiek galdera zuzena egiten diete agintariei: «Zergatik ez zaie biztanleei galdetzen bere hirian eta jatorrian publikoa zen lur sailean zezenak torturatzea nahi duten?». Honela, behin betiko zezenketak desager daitezela eta animalien eskubideak errespeta ditzatela eskatuko dute gaur, Donostian. Era berean, «Udalak inposatu nahi duen festa ereduarekin» bat ez datozela salatuko dute gaur.
|
