Legazpiko etxebizitza politika salatu dute
LEGAZPI
Legazpiko Udalak etxebizitza arloan egiten duen politika salatu zuten atzo zenbait pertsonak ekintza «sinboliko» baten bitartez. Gipuzkoako udalerri horretako autobus geltokiaren ondoko lursailean egin nahi duten eraikuntza proiektua izan zuten jomuga gazte batzuek, eta bertako promozio kartela aldatu zuten protesta egiteko. Hasierako testuaren ordez, honakoa idatzi zuten: «-adosados +VPO. Buitre$». «Legazpiko Gazte Batzuk» hartu zuten beren gain ekintza, eta, hala, Udalaren etxebizitza politika salatu nahi izan zuten: etxebizitza familiabakarrak ugaritzea, babes ofizialekoak ez eraikitzea eta esleipen «susmagarriak», Plaza Berriko «legez kanpoko» eraikinak, COEL enpresaren jokabidea eta Urtatzako etxebizitza familiabakarrak eraikitzeko «legez kanpoko» saiakera.
|
