Immigrazioa eta hizkuntza, UEU eta UEMAren ardatz
·Abenduaren 14an izango dira Eibarren bi erakundeek elkarlanean antolatu dituzten jardunaldiak
DONOSTIA
«Immigrazioa eta hizkuntza politika udalerri euskaldunetan» izeneko jardunaldiak antolatu dituzte Udalerri Euskaldunen Mankomunitateak (UEMA) eta Udako Euskal Unibertsitateak (UEU) datorren abenduaren 14rako. UEUren Eibarko egoitzan egingo diren saio hauek hiru helburu dituzte, UEMAko koordinatzaile Ińaki Agirreren esanetan: immigrazioak Administrazioan orain arte lortu ez duen «sentsibilizazioaz» hitz egitea, udalerri euskaldunetan etorkinei ongietorria egiteko dagoen protokolo komun baten gabezia dela-eta Kataluniako esperientzien berri izatea, eta «Euskal Herrian dagoeneko martxan dauden proposamen zehatzak» ekartzea, «guztiak bilduta aipatu protokoloa osatzeko asmoz». UEUko lehendakari Lore Erriondok, bestalde, egitasmoa hasieratik ikusi zuela begi onez azaldu zuen, eta Zestoako Euskara teknikari Nora Palmitano, berriz, etorkinek etorkizunean izango duten garrantziaz eta horiek euskararen «erabiltzaile aktibo» bihurtu beharraz mintzatu zen.
|
