Iaz bezala, aurten ere Zuberoako Idauze Mendin dugu hitzordua EHZ jaialdia gozatzeko, ekain bukaeran. Besteak beste, bertan joko du jaialdiak antolatu duen lehiaketako txapeldunak. Hamabi talderen artean lau sailkatu dira larunbatean Biarrizko Atabal aretoan ospatuko den finalerako. La Rue Des Pavots (Tolosa, ska), Okerman (Iruñea, punk), Stand By (Donostia, funk) eta Gwayav (Angelu, reggae) dira sailkatutako taldeak.