Ekainerako antolatutako ekitaldiei jarraipena emateko, etzi, Elgoibarko Izarrak Udaleko Gazteria Sailarekin elkarlanean, Kiribilka saio berezia antolatuko du. Ekitaldia arratsaldeko 17.30ean izango da Foruen plazan. Larunbatean, haurrentzako herri-kirolak Gazteria Sailaren eta Elgoibarko Izarra Elkartearen eskutik. Ekitaldi hau Foruen plazan izango da, 10.00etatik 14.00etara; eta euria izanez gero, Olaizaga kiroldegian egingo da. Igandean, Udal Musika Bandak kontzertu berezia eskainiko du eguerdian herriko antzokian.