Bilbon 1999an jaiotako Four Friends taldeak jazz erakustaldia eskainiko du datorren asteazkenean 20.00etan Plentzian, eta Zaratamoko jaietan joko du gaur zortzi, abuztuaren 9an, 22.00etan. Izenak azaltzen duen moduan lau lagunek osatua eta jazz standarden maitale, Gaztelupeko Hotsak disko etxean egin zuten debuta «Bilbop» atseginarekin eta etxe berean plazaratu zuten orain arteko azkena ere, 2006ko «Dzanga», egokitzapenak eta kantu propioak biltzen dituena.